Love Shayari in English | May 2025
Ek muddat se rahi hai ye aarzu meri,
Ke kab tujh se hogi guftagu meri.
Aaj duniya humein milne nahi deti,
Ek din mohabbat hogi sarkhru meri.
Mera jeena aur marna sab tere liye,
Saanson ki bhi mukhtaar hai tu meri.
Dil tere hi khayalon mein khoya hai,
Rooh bhatak rahi koo-ba-koo meri.
Main khizaaon ki raahon ka musafir hoon,
Kabhi bhool kar bhi na karna justuju meri.
Heart Touching Love Shayari in English
Agar tujhe nafrat mere naam se hai,
Phir kyun mohabbat mere kalaam se hai.
Jis ka mashghala tha auron ko dukh dena,
Aaj woh udaas ghamon ki shaam se hai.
Mohabbat mein kisi tafreeq ke hum nahi qaabil,
Humein to mohabbat khaas-o-aam se hai.
Jis ki deed ko aankhen tarash rahi hain,
Use na fursat apne kaam se hai.
Hum ne mohabbat ka aaghaaz to kar diya Asghar,
Humein na koi garaz anjaam se hai.
Kabhi teri meri mulaqaat ho,
Na tootne wala saath ho,
Tere saath zindagi guzre,
Musarraton bhari hayaat ho…
Short Love Shayari in English
Teri zindagi mein kabhi koi na gham aaye,
Tere muqaddar mein har khushi sanam aaye.
Teri aarzu ka chaman sada mehakta rahe,
Tere qareeb na kabhi koi ranj-o-aalam aaye.
Teri zindagi duniya ki khushiyon se bhari rahe,
Ghamon ki na kabhi koi shaam aaye.
Koi pareshani tere qareeb na aane paaye,
Teri zindagi mein koi na paich-o-kham aaye.
Asghar ki faqat yehi tamanna hai jaana,
Ke tere saath mera bhi naam aaye…